檢視投資槓桿 我的香港務自由路(二)

皮老闆
香港人
無自住樓, 亦無收租樓
有著不一樣的價值觀
四十歲前財自, 唔搵錢, 做自己事!
(其實我都係公屋仔、無父蔭,不過我唔鐘意咁形容自己LAW...)

上面寫得幾巴閉....

事先講明

1 我投資唔叻
2 我交際都唔叻
3 唔高大唔靚仔
4 個人又懶又求其


這個系列，希望有同道中人睇到，互相交流，亦希望後來者可以作前車之鑑。

我唔係認屎認屁，幾無料我自知，不過對於從未接觸過準備財自的朋友，應該總有點用處。

上一篇：時間的覺悟，我想帶出，能否提早財自，是自己慢慢意會到的。既然有可能，就要去準備。

我自己ＯＮ９唔買樓，否則做收租仔我應該更快可以唔撈（賣哂升值樓便可以，簡單易明），又正正我唔買樓，要財自難度都算高，如果你已經有物業，無可能做唔到，係咪？

至於投資，其實我主要都係靠一隻港股收息，內銀建設銀行。呢兩三年都提供超過６０萬一年年息比我，即每月有５００００港元可以用。

同時，買入六支不同月份派息，每半年派一次息０既垃圾級別債券，可惜行文之時，有一隻被提早贖回，另外有一隻違左約唔派息，可真屋漏兼逢連夜雨。

其次，我亦持有ＥＴＮ／優先股，大約每息派息一次，可恨ＨＳＥＡ　ＨＳＥＢ已被回，現只有C PRN 、SSW PRH及DKT 收少少利息。

最後，亦有少量月月派息的ＧＯＦ（一隻CLOSE END MANAGEMENT FUND）收下息。

除此之外，持有金ＥＴＦ（ＧＬＤ）

最令人頭痛的，就是上年六月高位買入三球港股，以及按錯制無理０既美股ＡＴＶＩ，若當時沒有買入，現在資金調動應該更加輕鬆。

將上面收既息加埋，平均每月都有幾萬蚊,未到十萬(已扣利息開支)，算多定少？肯定比我最初想像中少。

不過，我只係用左唔多槓桿去做。

即使跌市，資產少左，槓桿計埋都只係去到１.５４。

點樣係ＩＢ　睇槓桿比率？係ＴＷＳ入面，按ＡＣＣＯＵＮＴ，入面有得睇。如果搵唔到，係AVAILABLE FOR TRADING 右邊有個+號，可以係果度ＴＩＣＫ番"LEVERAGE"出黎！

咁就會SHOW 到個LEVERAGE!



如果將槓桿比加到去2，買一Ｄ固定收息產品，咁就基本上可以完全應付生活有突。只是想暫時保留彈性（蝕左太多係港股同ＡＴＶＩ了，怕怕）

最後，仲有小量零用來自ＧＬＤ，９３９的股票期權。每月零至幾千不等，九牛一毛，貪玩過日晨而已。

當身家跌番番兩年前水平，有咩感覺？除左平常心去面對，其實佢又唔影響生活，同時，加埋女主人個份，已經非常充裕了！

最後，係我個垃圾財自ＥＸＣＥＬ度，入多一皮野家用比老婆（其實佢都有收息零用的），發覺剛好用哂我一年股息收入。哈哈哈～～～　１.５４槓桿已經夠食呢。

最後，賣個廣告，以下乃小弟語音導航吹水頻道，希望最後能夠做到互補長短。但首要我想要過１０００個訂閱者。能否訂閱一下小弟頻道？？