話說小弟係颱風山竹襲港期間，開左個吹水ＷＨＡＴＳＡＰＰ ＧＲＯＵＰ，只要向指定團體捐１００蚊，就可以入黎。
![]()
![]()
咁因為保持神秘感（說穿了就係我外型唔見得人，得把死人口），正常都唔會見非ＢＬＯＧＧＥＲ０既朋友。
不過早陣子本熊兄連同一眾朋友攪左個飯局，邀請埋我，咁我見平日都傾開，咁就去啦。
有冇擔心比人發現原來係七頭一名？無喎！
因為，係我心中有個諗法，唔寫文但係又會入其他群組吸收資訊０既，都係花白了頭四五十歲阿伯大嬸類。
即使今次飯局１１人當中有三位女性，成班大叔大嬸，我預想圖都係咁。。。
約左係油麻地一間酒家食，食物好ＯＫ喎！不過我估在場男仕可能唔夠（本身我細食，是ＯＫ的）。
究竟想像同現實有冇出入？好大！！明顯大家０既年紀後生好多好多，女０既仲要全部都唔係阿嬸唔係師奶！（有人仲係油麻地比飛仔撩。。。比人果位應該開心過個飛仔！我都想有人行過黎問我買唔買二手中學書／去唔去ＯＣＡＭＰ！）
一去到，已有兩男一女到左，佢地傻傻的自爆左係邊個！無錯，我地１１人從未見過，要互相去估。
結果就玩左個遊戲，大家各自估下全部人是誰，然後同時ＰＯＳＴ在ＧＲＯＵＰ，全中者今晚ＦＲＥＥ ＤＩＮＮＥＲ。當然我一開聲就比人認出，而亦有一人全中，其實好多人都係爭少少就中哂，三位女士難估之外，幾位斯文型男性亦難辨認。
席中，有ＳＴＡＲＭＡＮ哥幼齒年代０既老師！哈哈！
講Ｄ乜？投資股樓ＲＥＩＴＳ當然有，仲有講下小朋友。雖然素不相識，都十分投緣，希望不是小弟一廂情願啦～哈哈～ 講左咩特別野？我已經忘記了！
小弟有紀念品！謝謝某師姐個仔割愛！
最後，我又推下我新出果兩條片，係我財自第一天０既行程！
如果你斷左片唔知我講乜？可以睇番呢個：
仲有第二屆女人認高達大賽！
謝謝各位支持及訂閱！小弟昨天和朋友開了ＦＡＩＲＷＥＬＬ ＰＡＲＴＹ，很是盡興，將來會更多更新ＢＬＯＧ及ＹＯＵＴＵＢＥ！但精神依舊，你的留言是我的動力！