坐食山崩　我可以唔撈嗎３１

呢個系列幾乎係每月必寫。

近兩個月出文少左，主要係打機，睇戲，懶。連模型都無砌過無噴過。

有部份原因，係準備九月份一個讀小學一個讀幼稚園０既接送日常練習。

本來兩個放中午，而家一個中午一個下午。仲有未知多唔多０既小一功課，雖然我地唔太理佢，不過也不能太樣衰吧。我唔支持愉快學習，但我支持維持係能力圈內做事能帶來動機及成功感。

ＨＥＡ之餘，都只係講緊相對上ＨＥＡ，並不是完全由得佢懶。兩回事黎。

開始要同家姐講，朝早我同佢行番學（仲有要準備大雨時點帶佢番），係學校食飯（零用錢比幾多我都未知），放學要番黎做定功課，食飯前要自己沖定涼等等。

結果呢期成日同佢心理練習，好令九月免生亂子。

我鐘意打呢個系列，非哂命（有其他文其他事可哂啦，錢０者！），鐘意０既原因係第日可以睇番。自從有紀錄之後，收入支出有個概念，以前我都係求其睇下個ＢＡＬＡＮＣＥ就算，老婆更加唔理。

講工作

七月份工作量係正常０既四份一左右，錢唔多，輕鬆渡過，預計八月變番正常。無用個鋪頭黎噴高達模型硬係爭少少，不過今個月我鐘意睇自己個缸魚。。。都幾ＲＥＬＡＸＩＮＧ。

開始唔太強求高生意額，係咪好事？再過多一個月先慢慢諗啦。

講投資

今個月建行派息５８萬，全數買哂ＣＡＤ　ＳＴＯＣＫ。賬面係蝕０既。比多少少時間佢，睇下係咪賺息蝕價啦。

八月份開始，收到０既股息債息投放去邊？未諗！無乜ＩＤＥＡ的話就用黎減下槓桿吧。

講目標

錢方面，無乜目標！因為跟住條路走應無太大閃失！

目標反而係希望九月份成功過渡，因為接送放學都係我，要工作上配合到，要少少技巧，坐下的士在所難免了，唔係錢問題，係我鐘意係巴士訓下覺諗下野。（ＢＥＤ　ＢＡＴＨ　ＢＵＳ係三大思考時間！）

女主人Ｄ　地產ＡＧＥＮＴ又再ＵＰＤＡＴＥ佢，１４８０萬，但其租值唔駛３萬。如果唔加租，樓價可以用黎租４１年樓（現實少少，當用首期連稅連佣８２０萬買盈富，每月沽部份股票交租，都租到２０年）！


我同女主人講，４０年後，我個仔都變大叔重老過我，我個女已成為師奶。玩下手我同老婆重是否生存又一問題，住緊個度已舊到一個點了。。。三份一個世紀，股樓之間，總有機會各有千秋吧。

講資產

小弟只計ＣＡＤ　ＳＴＯＣＫ及現金

七月底一共１５２萬（上月９５萬），５７萬來自股息，其實ＣＡＤ　ＳＴＯＣＫ除淨及帶來賬面虧損之餘，今個月收入少得可憐。

做左十幾年野，都無走去計唔開工時有冇錢剩，今次計一計，原來係會會坐食山崩架！（其實賬面蝕０既多）。



老婆今個月無變，如下

七月底一共３８０萬（上月３７０萬），原因係三隻優先股賬面升左唔少


因小弟並無任何物業，正宗無殼蝸牛死窮仔一條，唔少人０既物業總值都多過上面條數啦。

如果佢仲有個高顏值老婆，靚靚小朋友，健康０既父母高堂，我呢Ｄ咁０既家庭就真係被完敗了～～～