本來想打好耐，點知自從同老婆深夜去戲院睇左ＭＡＲＶＥＬ ＡＶＥＮＧＥＲ ３之後，連續睇埋ＧＵＡＲＤＩＡＮ ＯＦ ＧＡＬＡＸＹ 兩集。
加上唔夠訓，一路無打ＢＬＯＧ。
我堅持，呢個ＢＬＯＧ唔會開班（除非真係有慈善價值／每年四月一日），因我無咩教人。所有識０既野都係睇人地學番黎，ＨＥ ＤＩＥ Ｉ ＤＩＥ。
我又無數學底又無商科底英文又屎，不過有勇氣有運氣。股海深沉見盡一堆ＢＬＯＧＧＥＲ消失又一堆出現。（題外話，反而ＮＥＷＳＧＲＯＵＰ的老屎忽卻仍在！哈哈。）
近日互訴抄襲（例如債券小子抄ＳＴＡＲＭＡＮ）個按上升，聽當事人講其實無乜所謂。又另有８０後東昇話比人抄（呢個好難講，只係話題相近），兩個真人我都見過。
看在眼裏，其實下一代苦無出路，摸石過河之下，見到有意思０既東西，自然學左，是否惡意又另一回事了。小弟卜卜脆之年，都係左睇右睇跟人買賣期權，當時邊有咁多人講，全靠ＧＯＯＧＬＥ搵下有冇人為此寫過文章而已。
如果有人想抄我（我估無的），無任歡迎，只要唔係惡意。再者，我都係抄人，你夠膽跟我買，一齊大叫ＧＯＧＯＧＯ又何妨！
當中見到有人（我估都係後生仔，９０後卦）話止凡文章太過"大快活"，我指大眾化，其實各書各有市場。始終有Ｄ人乜都唔識，唔似得留言者已經十八般武藝（又要抽出黎講，大家不是ＣＸＡ ＬＶ３！）
我呢Ｄ草根級散戶，鐘意睇止凡多過睇其他人０既分析文，因為我志在抄，不在分析。真係百貨應百客架。
上圖為香港某模型/戰棋鋪宣傳。（好似每日都有其中一女做店員，我無去過）
拿，百貨應百客。。。ＷＥＬＬ ＳＡＹ！
小弟隱身玩ＴＧ，明白到一件事，世代鬥爭是必然，你唔好以為你好心教人（買股／創業／買收租樓乜一樣），人地會感激你，年輕就是狂妄，反轉頭Ｘ番你一鑊一Ｄ都唔出奇！
正如ＴＧ ＧＲＯＵＰ中，有後生仔（８０後卦）不停單打為何我不透露自己行業（何解要透露？），亦認為資產與收息均為吹牛。當然，我無鬥咀，唔理佢，去第二度玩咪算。
就如此ＢＬＯＧ，我無主動教人點去做，我一路都ＯＮ９９講自己做過咩動作，要學要跟風險自負。
我估，無人會開個ＦＢ專頁抄我，一黎佢地無咁大舊錢去收息要追求高回報，二黎要將我咁無組織０既文章組織一次，已經可以出一本書，咁浪費心力比著我本人都唔會做。
＊＊＊＊＊＊
以下又係我偶像撚蛇！今次好經典！
其實佢係有料，不過佢講Ｄ普通野黎開班收人錢，免費野又左遮右遮，好多人都睇唔過眼。
最正０既係，Ｂ２係轟炸機（ＣＲＥＤＩＴ ＦＲＯＭ池兄）！仲有運"輸"機真係唔好意頭。
我無聊到睇下點分！
比錢上堂係咪ＯＮ９？如識我真人，我請你食個ＴＥＡ我話你知！（我知呢度有同學／師弟睇的！）
"B2運輸機組合(比喻大大隻, 好穩定, 10萬港幣都可做到)"
1.一支香港運輸及地產混合之股份 (4.3%, 半年派息)
香港小輪 0050
2.亞洲區上市的房託 (6.42%, 半年息)
新加玻交易所0既 RW0U, 持有九龍塘又一城物業個隻!
3.美國科技股ETF (7.14%p.a，月月派息)
NASDAQ: QYLD, 沽認購期權的ETF!
4.大銀行優先股 (8%p.a，每季配息)
HSEA: HSBC HOLDINGS PERP SUB CAP SEC (六月贖回啦!)
5.銀行嬰債(即之前英文稱的mini-bond, 7.2%p.a, 半年派息)
妖, Domestic bonds: HSBC Bank USA, 7.2% 15jul2097
比著我，唔會買！
跟佢買，４（ＨＳＥＡ）已經一買即贖回即蝕！
５現價買係１４５蚊，已經得番５厘左右！永續債到２０９７受加息影響而隨時間價格下跌，中途埋單未必有５厘！
３ＱＹＬＤ係ＳＨＯＲＴ ＣＡＬＬ科技股，不如自己做，好似我咁做ＡＴＶＩ及ＮＬＦＸ吧。
１市值細，唔買，唔敢買。
２係唯一一隻有機會買。。。但收坡紙股息。
期待下次大踢爆！