玩６寸人形　我可以唔撈嗎 39

離唔撈之日, 仲有394日，扣除十二月、二月同埋七月自放０既假，再扣每星期四五放０既假應該少於３００日。


無玩高達好耐，呢期改左玩６寸人形。

其實一早已經有儲開ＳＨＦ亂馬（我應該齊左男女亂馬及其父，珊璞小茜良牙一共六隻。）

其實，玩６吋人形０既獨發點係由一隻估唔到我會買０既人形開始，就係ＷＷ　（ＷＯＮＤＥＲ　ＷＯＭＡＮ！）

當然，一不離二，開始買下道具玩下場景啦。。。


講工作

煩０既都係女主人個邊多，人事變動物流變動，再加上立案法團央及池魚行為，今個月真係多事，再加上唔知真定假０既消息話行家做唔住，可能淡季即將來臨。

男主人好輕鬆，黎緊六月更加係ＨＯＮＥＹ　ＭＯＯＮ！穩穩陣陣渡過無難度，不過收入得番三份一，預料之內。預計２０１８年下半年，收入應該唔會少過２０１８上半年。只係２０１９年有機會少過六位數了（都係做多六個月０者）。

最後一年工作了，究竟食息過活是否可行？建行股息除番開每月五萬幾，夠哂住屋生活長老家用基本需求，要養埋老婆消費錢就差少少。（其實佢現在都每月除番都九千息一個月）

可參考以下連結

一百萬買到D乜?　女主人９９萬收息基金

女主人之匯控期權　抽中天仁茗茶

講投資

近日股市又跌，女主人隻匯控又見紅了。
男主人期權倉如下

＜ＧＬＤ＞
ＳＨＯＲＴ　ＳＴＲＡＮＧＬＥ　ＧＬＤ　六月一日　１２５／１２８
轉倉六月廿二日　１２５／１２８
權金ＨＫＤ３８００左右。（已扣平倉成本）

＜ＡＴＶＩ＞
ＳＨＯＲＴ　ＣＡＬＬ　７５　ＡＴＶＩ　六月八日
未夠期，未敢開

＜ＮＦＬＸ＞
 ＳＨＯＲＴ　ＣＡＬＬ　六月一日　３１７.５，今日交貨，升到爆廠（三十幾蚊）無我份，只能收１２蚊左右權金。算吧。

本月無其他入貨紀錄了。

利是基金昨日開倉，繼續ＳＣ　ＨＫＢ＠８０，權金ＨＫＤ２０００。

ＨＳＥＡ　ＨＳＥＢ要等到六月四日才諗下買咩吧。

以下是小弟月月收息垃圾低評級高風險唔好跟債券組合圖：


相信七月份建行除淨後，６４萬股息左手交右手，對資產影響不大吧。

講資產

女主人４８６萬，上月４８５萬，只得一原因係份糧未入賬，同埋上個月一次過入左兩次糧。。。哈哈！力

男主人３１２萬，上月２９８萬，升幅多左因為。。。我都唔知，通常建行跌，其他倉位就會升。（我呢個數係減左建行部份之後０既某部份資產）

男主人總資產僅僅跌穿３０００萬。


WONDER WOMAN 都要學計數啦!