今次篇文打哂尖!
![]()
![]()
原本預計要出0既"收租三十年"以及另一篇"叻極都係一層屯門樓"全部留番唔出住。
上圖為近期哈比人熱賣的花生！
佢咁樣講野，真係上得山多終遇虎。
比人改圖抽水了！
再者，三人行兄呢篇
＜瘋狂的磚頭 (八)：磚頭撻人 與 佛系收租佬＞
簡直係一絕！佢講得比我更好吧～
講番買股！
ＨＳＥＡ 同ＨＳＥＢ 回籠資金比我用左黎做左一個好似好ＲＩＳＫＹ ０既投資。
我今次將此文＜女主人之匯控期權 抽中天仁茗茶＞方法改一改，主要買入波幅（非跌幅）較大０既股票。
為左懶，我又去左抄人。
抄Ｄ乜？人地個Ｄ前鋒組合。。。即係用派息率同埋預計增長去組一支十隻八隻０既股票。佢地個Ｄ所謂前鋒，一係真有增長（我都想），但同時波幅大，用黎做期權有好有壞。
點知，原來可以抄０既唔多，比較好Ｄ０既係美股，但我想做港股呢！
最後，買入實股以及期權如下圖！
用左三百零二萬港紙。
平均一隻三十萬左右，共收權金二十九萬幾。
其實分做四類：
內房：恒大、碧桂園
賭股：金沙、銀娛
科技：騰訊、舜宇、瑞聲
汽車：吉利、比亞迪
其他：蒙牛
留意，期權極為遠期但近價（２０１９年六月，正是我唔撈之日最後一個工作月），因應權金調整行使價，離買入價約有５－１０％。
當日發現２００７碧桂園期權庄家唔開價，即月差價極大。原來今日有股派！（實物分派：每持有8.7股獲分派1股碧桂園服務控股有限公司股份）
現十隻股票只有九隻有期權做左，十三個月回報９.７％！如果將２００７做埋期權，拉埋平均年回報應有１０％。
若股市真係大升，全部被行使，約有多７％利潤。若計埋派息，因派息率偏低，應該差唔多吧。
最大危機，就係股價下跌超過一成！呢Ｄ情況真係極常見！我比一年時間佢地，如果都唔得，唯有出大技，無限補時。除左某一兩隻，大部份都係好野黎０既。。。
買入後第一天，好多都升，再過一天，跌到ＨＩＨＩ。哈哈。。。現整體約跌１％左右。
如果將股票列做足球陣式呢（我唔睇波的！），我呢種可以算係個Ｄ不務正業長期係聯賽榜尾，但又靠賣球員搵到下錢但無ＦＡＮＳ個Ｄ球會吧！
我唔睇波的！