與炒旦行家對話　港紙轉美金

本來呢篇應該分為兩集，趁今日得閒，一次過講哂。

離退休日子還剩２７０日，扣除大時大節假期，應該重有２００日唔夠。開始要諗下工作退下線之後要善後０既事情。

例如上次講，果堆噴好油０既高達可以點？二手賣出去如果有價都唔錯，當然一如以住，捐哂佢啦。

噴油工具？賣！有市場的。不用擔心。

上網合約、機器合約，唯有硬食賠償？

至於等緊炒旦０既訂單，呢個比較頭痕。

邏輯上，話走就走，可以唔理；道義／人情上，若要善後，似乎要搵個行家幫手。。。

先後搵左兩個行家。Ａ及Ｂ。

Ａ是年約２９小伙子，算是小弟半個徒弟仔，呢行好少有師徒關係，慶幸我自己都叫做有個師傅。。。佢聽到我話唔撈，除左問我係咪真之外，佢話我知，已經係２０１０年聽過我講一次，果陣我未結婚未生仔ＭＡ！好彩果陣無退，否則今日都幾頭痕。。。

再見到佢，聚舊多過講善後。提下佢個鋪有好多位可以改，佢實在太多年無黎探我了，我都改善左唔少。有唔少炒旦行家科技上依舊慢我十年。。。

講到佢而家個拍檔其實係佢舊老細，聽番佢鋪頭Ｄ條件，其實佢老細對佢都幾好。原因？感覺似係泥菩薩過江。點都好啦，阿行家Ａ只係起步階段，佢應該幫我唔到的。

聽佢講，收入應該大約３－５萬左右。話多唔多話少唔少。

同我當年一樣，佢阿媽成日哦佢叫佢搵番份工做，哈哈！最後，因為行家Ａ開始供樓（邊個出首期？應該係屋企），佢阿媽至無說話比佢聽。

行家Ａ屋企都算有Ｄ錢，不過，依舊租緊太平道一帶有ＬＩＦＴ舊樓多年，二萬幾蚊有八百至１０００呎。業主老人家少加租。咁咪一樣可以供養兩個仔去外國讀大學！其實駛乜咁擔心。

Ａ剛剛無左個女朋友，其實佢炒旦咁得閒，應該去識下女仔！

講完Ａ講Ｂ，認識Ｂ只係因為有人客人穿針引線而認識。

直接去佢鋪頭似踢館，所以我一路都唔係好想過去，雖然只係一街之隔。。。

點知昨日食茶餐廳，竟然遇到佢！坐低講幾句啦。。。

發現佢間鋪租金都幾貴。。。係我０既１。５倍！不過新Ｄ又靚Ｄ就無得計。

問下問下，原來佢個鋪因場地大少限制，應該幫我唔到！但係佢提議左另一方法，又即管考慮下啦。

行家Ｂ今年３５，佢聽到我話唔撈，好意外，重問左我兩次係咪真係咪真ＣＯＮＦＩＲＭ。佢問我有冇４０歲，我梗係未有啦。。。哈哈！佢話無我咁識投資（佢有我ＦＢ，我自己ＦＢ講投資講撚蛇Ｄ投資組合，無人ＬＩＫＥ架，同專頁好唔同），我客氣同佢講，呢一行後期越做會越多錢，幾何級咁上，不用愁。

估計呢位行家，收入應該過六位數卦，唔過就唔會租呢Ｄ價位０既鋪頭。

另外，佢係少數科技追過我０既行家。不過要我轉佢個部機，我又唔會，始終炒０既野唔同，個鑊都唔同要求０既。

講多少少，行家Ａ同Ｂ都唔係炒旦，佢地做炒飯！所以無乜衝突可言。

講下投資，小弟錯手按左ＳＰ　加ＳＣ　１１月ＡＴＶＩ＠８３！按錯！不過算吧，等佢到期見步行步。

另外，港息實在太飄，跟ＨＩＢＯＲ高見７厘（國慶假期呀）！我都係將欠債轉番美金。。。當時７.８５轉過去ＨＫＤ，而家７.８２６轉番ＵＳＤ，有ＳＯ丫！



再另外，女主人低撈左碧貴園，大家睇路呀！！！