近來，不論網誌更新率同埋瀏覽數都下跌。
![]()
![]()
同股市一樣啦！
究竟跌市中，大家做緊乜？當然一如李＋ｘ所講，都係準時番工。我都唔例外，閒時放低仔女比工人，兩個出去二人世界。
唔好食！另，已叫女主人暫時不要入市。
（若然你在小弟私人ｗｈａｔｓａｐｐ ｇｒｏｕｐ，就知道其實我好得閒。。。）
此乃小弟飯堂！一個月都食番一兩次！
日日睇市？唔好啦。。。睇黎自己唔開心為乜？止蝕我又唔會，而且時機已過，容乜易左一巴右一巴？
升市就會日日睇，跌市不如無眼睇。
如大部份ｂｌｏｇｇｅｒ所講，有現金流（工作／投資），其實無咩好怕。買股買債不會負資產，只會被自動平倉。
離自動平倉，我仲有一大段距離啊！
倒不如打下機砌下模型吧！
與其成日覺得ｍｏｌａｍｏｌａ，不如做下其他野，訓下覺，訓訓下就熊變牛。
另，物業市場呢，聽人講（我真係唔睇），有唔少年頭買的，現在已經要蝕。新聞又賣，某些成交低過銀行估價一截。黃子華話齋，負資產時，你係要抬錢賣樓的。
我知道，大部份物業佔身家一半以上的，都係好早之前買落，有排都唔會有事。不過新加入呢個"逃生門"的，眼見一入即蟹，又會否好似以前咁踴躍？
應該開始有老人家問屋企個仔，話想買某某股了。
究竟幾時先係買入時機？我估個時你同我都知，不過敢唔敢買又另一回事了。