今日，係財自第40日。
![]()
重點訓練目標如下，希望各位ＨＯＭＥ ＳＣＨＯＯＬ 有用（對於呢樣，我比投資更有信心）
![]()
呢個暑假，本來應該同小朋友出下街，不過我有個小小小手術要休息，所以留在家中，術後一星期可以去會所，現在已可完全外出，不過就樣衰Ｄ。
究竟我做左Ｄ乜？應該下一篇網誌會講。而下一篇網誌０既資訊我覺得係勁有用，希望能夠"打救世人"啦。。。
留係家，唯有集中ＨＯＭＥ ＳＣＨＯＯＬＩＮＧ。
話說我個大女，上年暑假去過Ｄ補習班，去完佢極度負評，原因如下。
１一二三年班一齊上（佢唔夠人組班）
２唔同級都算，學習能力好參差
３補習都要做野（我女以為係去玩）
４做完要等埋發叔（佢地唔識ＣＡＴＥＲ ＩＮＤＩＶＩＤＵＡＬ ＤＩＦＦＥＲＥＮＣＥ）
所以，我成日用帶佢去補習黎兇佢。
托賴，我兩個小朋友自學能力都ＯＫ，而我又算識教下野（我滿有信心的，不妨睇下我ＹＯＵＴＵＢＥ頻道講野）
真係要出手教？講野請務求簡短易明，我成日話我太太唔識去教，講完一大輪小朋友話明，實際又做唔番出黎。
佢地做練習（個女幫手教下），我就砌高達
每日去會所做幾頁（２—４頁）練習，中英數隨意（有時我定有時佢地定），以下是小弟兩小朋友參數：
大女
中 ＊＊＊
英 ＊＊＊＊＊
數 ＊＊
速度 ＊＊＊
留心度 ＊
小兒
中 ＊＊
英 ＊＊
數 ＊＊＊＊
速度 ＊＊
留心度 ＊＊
重點訓練目標如下，希望各位ＨＯＭＥ ＳＣＨＯＯＬ 有用（對於呢樣，我比投資更有信心）
女兒：數學專攻，加解難題，中練速度，英學新野應付下年
兒子：主練寫中英字，認字，速度及整齊度專攻
另一重點，揀一本好０既練習，我從來書展都唔買練習，我鐘意去書局慢慢睇（都係五分鐘睇得完）
英文專揀有教學行先，因個女個仔睇得明可以自動波，我就可以砌下高達睇下ｉＭｏｎｅｙ。（我揀左傑思ｇｒａｍｍａ ｗｅｅｋｌｙ）
中文仔就揀ｄ容易可以自己睇題目，避免要同佢一齊做的閱讀理解，生字，組句，標點最好。（我無推介，求其揀）
數學真係好難揀，不停機器操練可以捉ｃａｒｅｌｅｓｓ，但文字題又可以解難。最後我揀左"學林"，你唔識佢唔緊要，去書局睇下啦，仲上ｂｋ？傻的嗎？
（唔該，我讀平民學校，唔好同我講藍血新加玻課程點點點。。。）
食個午飯，去會所做幾頁，之後去會所同朋友玩／去食個ｍ記／回家一齊打下機，生活好不寫意。
都係個句，要輕鬆愉快同小朋友ｌｉｖｅ ｔｏｇｅｔｈｅｒ，係唔駛日日去歷奇去ｐｌａｙｈｏｕｓｅ大龍鳳０既。
昨日女主人休息，去左啟德果間紙飛機玩，唔掂，ｄ野太小朋友，貴，細。
不如租個工廈搵番二三十個家長一齊共享玩具空間好過。
最後，如無意外，開左學又係另一個戰場，不過之前同佢經歷過下，應該無乜大問題，呢個暑假準備得好，後尾應該唔難過。
另，細仔都有電話用（超舊三叔銀河筆記３），呢期打迷你世界（類似ｍｉｎｅｃｒａｆｔ），若考得好，換部快ｄ０既電話比佢（ａｓｕｓ ｚｅｎｆｏｎｅ ３ ｄｅｌｕｘｅ）。
我屋企，電視任睇（連ｎｅｔｆｌｉｘ），機任打，電話有限制使用，因為我深信，你一路比佢，佢就唔覺得係ｄ乜，最緊要攪得掂讀書。
同樣，希望佢地都可以無限制但有責任感地，追尋自己夢想，世事無限可能，何必定太多框框？
各位０既留言支持，會係我繼續免費老點／亂ｕｐ／教人／吹水的原動力！
ｂｌｏｇ中所有收入，會全數捐出（９月份會有一張二千多元捐款收據）