番大陸植髮＜始動篇＞ 我的香港財務自由路(六)

我老婆現在才知，＜我可以唔撈嗎＞系列已完，會比＜我的香港財務自由路＞替代。

講植髪，就要由脫髪開始講起，寫此文要好大勇氣，因為好多人有此問題，但係又好怕提。就好似，一班朋友，最忌講錢（但又個個想搵錢），講脫髪大家都表現得唔想理（但十個有八九個都有此問題）。

自從小弟二十四五歲起，雖未見有禿頭，但洗頭沖涼後，已發現浴室去水位有頭髪積聚，此為第一徵兆。

之後，我發現我老豆Ｄ結婚相，三十幾歲已經去到第三期禿

即係，我好有機會會有此遺傳。

當然，個陣廿幾歲，又睇唔到有問題，梗係唔理佢。

直至三字出頭，開始頭頂睇到少少稀疏，但其實正面同後面都睇唔到，除非我低頭或者你係上面望先會睇到。咁，即係又係唔駛理啦。

㺫２０１３年左右，發現從後面都開始睇到，就上網睇下點解決啦，雖然已經結左婚仲生左兩件，無溝女問題啦。

解決方法１：食保康絲 Propecia（當時是專利藥，Ｍｅｒｃｋ的），一年約千幾蚊。之後無耐後過左專利期，開始有副廠藥食，平好多！再上連登睇，有人食網購印度版（印度好多時唔理專利）保康絲，其成份都係Ｆｉｎａｓｔｅｒｉｄｅ　１ｍｇ！

有冇用？絕對有，之後都停左脫了，即係話，呢五年都無再甩，極明顯，但係有冇生番？就似乎無喇。

之前無論你用咩洗頭水，都係廢０既，咖啡因又好，咩鬼成份都好，都係無用。

我知有人會用外用 minoxidil，個人唔建議，因為佢一停用就會比原來甩得勁，Ｄ人話可以慢慢減量直至停，我無用過唔知。（我用過一次，陣味太怪又立立地，放棄左）



又早半年，去剪頭髪時髪型師提我可以用纖維粉（HAIR FIBER）放上頭，能夠超有效覆蓋。果真極度改善！不過要落ＳＰＡＹ，否則好易甩出黎，同埋訓時會整污糟枕頭。

不過，我覺得纖維粉應該係最簡單可以改善出街個ＬＯＯＫ的！（其實我Ｄ朋友都唔知我有少脫，因為正面係完全睇唔到的。。。要高後方才看到。）

如是者，２０１９年七月頭，有一晚上網睇到有人講植髪，係去台灣既。

咁我又上網睇下，Ｄ人都係去以下地方，以下全為ＦＵＥ價格。

一條有咩概念？植５０條／平方厘米吧。大部份人都係落係２０００—４０００條之間，羅家英應該植唔到，佢要過萬條。你想知？影張相連埋把間尺，計番個圓形／隨圓形面積，至於Ｍ字我就唔識計了。

即係話，以３０００條計，以下為港幣價錢：

最貴香港要１４萬，
台灣６萬，
大陸人仔要３萬３至６萬６。
就咁睇，台灣同大陸都ＯＫ，係咪？之後我用微信同ＬＩＮＥ問左台灣毛爵同埋大陸雍禾及科髪源同埋另一間唔記得名。

建議大家問之前，影定前額，同埋頭頂相片，放埋把間呎比佢，佢實問你要相，問完但係又帶你遊花園，唔估算價錢又不停叫你上去檢查先，認真仆街。

台灣毛爵：不停遊花園，三日先覆到我，仲要報個一口價，但條數係個ＲＡＮＧＥ！真攪笑，ＹＯＵＴＵＢＥ好多短片好專業，咪又係業配文！最後明知我係香港仲叫我上左去檢查先，咁樣我基本上去到台灣都無得揀啦。我用ＬＩＮＥ聯絡佢，佢反問番我有冇微信，驚驚。

再找其他台灣的，實在太多太多業配文，放棄了。有單馬來西亞人去做，衰左，要找報紙唱衰，才肯急急回水，真係有夠黑暗。。。

大陸其實相對較少假文章（或者咁講，真定假野好易分），因為有唔少自願定時放植髪效果（類似網誌），微信溝通算係咁，不過又係要迫佢先講到價錢（透明度問題），同埋佢地係有折的（最少有個九折），不過ＷＡＬＫ　ＩＮ　去問更平！

開頭比較想去台灣，就係覺得大陸無信心。

不過問完之後，我覺得價錢差別大，而且我植０既條數又比較少（我估算１８００條左右），衰左都仲有下次。再者，台灣毛爵既回覆真心令人唔滿意，覆野就好似ＣＯＰＹ　ＡＮＤ　ＰＡＳＴＥ咁，其實消費者都係睇價錢，技術，條數先有個預算，扮專業講野或者解釋手術有點多餘，搵得呢Ｄ，網上一早睇左。

所以，七月尾時膽粗粗同女主人上左深圳雍禾植髪做檢查。



我打的去到落馬洲步行過關，再坐地鐵到上梅林站，再滴滴打車十幾蚊就到。

去到用格仔紙數面積，因為我無Ｍ字問題，只係頭頂稀梳，家中估算都係２８平方厘米左右，點知比佢數完有４７平方厘米，因為唔夠一格都當３／４格，即係四格唔滿都當三格。

我預算條數為１７００條左右，最後佢話要２３５０條。（４０ＶＳ５０／平方厘米分別，真心，植完肯定無咁密，相信每個地方也一樣。）

價錢問題，同埋我唔信加密真係密左，但佢都強制我頭頂做加密（３００株），其他做普通（２０５０株），（個人認為加密係掠水），埋單幾錢？基本係有８５折—９折，當然女主人幫我Ｒ啦。

原價人仔２６５００，埋單？二萬二左右吧！

至於術中至術後情況，我會後續才講。

若有術前疑問，可以留言。