呢篇可能比較短
暫有以下構思
番大陸植髮＜始動篇＞ 我的香港財務自由路(六)
番大陸植髮＜手術篇＞ 我的香港財務自由路(七)
番大陸植髮＜術後篇＞
番大陸植髮＜三個月篇＞
番大陸植髮＜一年篇＞
又睇下會否爛尾，哈哈～～～
***************
以下是YOUTUBE 頻道有關植髪的片，同ＢＬＯＧ中同步，各有各好～
***************
話說，我約左七月廿四日上去植髪（邊間？睇番始動篇），先坐的士去落馬洲鐵路站，再步行過關，去到福田地鐵站，直坐去上梅林站，再滴滴十幾蚊就可以到達（當然，你一出福田坐的士更快。）
十點左右去到，拎番張訂金單出黎，再去抽血檢驗。都係好老土０既驗血，咁就５００人仔。
![]()
抽完，１０：３５左右去比醫生劃頭，再去剪頭髪。
![]()
究竟駛唔駛剃頭，呢個真係大考驗。
如果全剃，就所有頭髪一齊慢慢生長，你會有個ＳＫＩＮ ＨＥＡＤ。。。或似囚犯。
如果只剃植髪同取髪部份，後尾枕剃左都無所謂，不過植髪位就好睇你係邊度，我係頭頂，結果，完成後，似個河童！（拿，我係唔會放相０既！）
所以，基本上，帶帽走唔甩，如果你仲要番工又唔想比人知，其實係無乜可能。唔好亂信ＹＯＵＴＵＢＥ果Ｄ咩今日做完聽日番工，係，你係番到工，不過又怕傷口又怕熱，仲幾樣衰ＴＩＭ！
仲諗住去台灣植髪加遊山玩水？你唔熱到出汗都偷笑。
１１：１５左右，開始入手術室，要換衫換鞋，去佢聲稱無菌０既手術室，有冇菌我唔知，肉眼睇就好企理乾淨，同我係香港做激光矯視０既級數一樣。
之後，就係最辛苦階段，要扒係度取髪，扒係度唔係問題，係扒左個幾兩粒鐘！又唔係太郁得。除此之外，一開始打麻醉藥係最痛（同剝牙道理一樣），好似比人割咁！
之後就唔痛啦，全程我都睇唔到，總之就係醫生用個小型鑽０既物體，係取髪區度鑽。佢每轉２５下會停一停，然後換區。
次序為沿邊界取一圈（ＭＡＲＧＩＮ位取左都唔覺），然後分別係左中右點陣咁取。我都係估估下，因為只有輕微感覺，同埋聽到鑽聲。
![]()
好唔好手勢？我覺得最唔好係呢一段！因為佢唔算太平均取髪，集中多左係左邊，咁會唔會影響外觀？我未知，估計唔會，因為我取髪數量少。
扒左咁耐以為完左，原來重要取髪！剛才醫生係鑽開左，仲要搵個姐姐用鉗扯佢地出黎！不過過程好快，雖偶有小小痛，不過好快過去，反而扒係度條腰好辛苦就真。
１：１５左右，佢問我駛唔駛食個飯，梗係要，因為真係好累！～～～ 其實佢個餐唔好食，我求其食左佢條蕉同少少肉就算。
期間，我老婆去左邊？間野其實有住宿服務，開左間雙人房比我老婆休息，仲話可以遙距睇到手術個ｃａｍ，不過當日係睇唔到，佢悶到訓著。
![]()
食完飯，再做，今次係平倘＋半坐式做，叫做好過扒係度！
同頭先大同小異，先打麻醉藥（今次係頭頂），又痛一輪！最大問題係，我豬左，中途要提佢補藥，否則藥效過左會好痛！
中途要提佢補藥
中途要提佢補藥
中途要提佢補藥
醫生打完藥，會用把刀仔係個頭度𠝹一ｄ幾深０既坑（所以我覺得無可能做到1平方厘米40條! 把刀都無咁勁啦），𠝹完點？個醫生就走左！我真心覺得，全程最令我抱憾，係果位醫生，好彩佢０既工作其實唔係重要（都係鑽毛囊同埋𠝹坑）。
最後階段，就換左兩個女人，黎做植髪。未做之前，佢比左張野我掩口，原來係要我數下取左幾多株頭髪，其實佢話一堆係２５株，咁細我都數唔到，咁數堆數又有咩意義？
開始植髪，最關鍵果步！做得好唔好，真係睇呢個階段，亦都係最漫長。。。佢地兩個一左一右植，速度會快Ｄ（廢話），聽聞有Ｄ診所係三人同時植。
做到最後段，麻藥無補打（我諗住好快完），痛到飛起！
加密部位有冇密Ｄ？我太太話有。
５：００左右完成，有冇２３４０株？真係唔知，重點係最後個效果，未有番三五七個月，都未知如何。
後尾枕用崩帶包住，頭頂就乜都無。出黎血哂又有血，都幾令太太不安（我睇唔到丫！），不過網上好多相可以睇。
第一晚，就訓係佢地果度，我覺得有ＣＨＥＡＰ ＣＨＥＡＰ商務連鎖級數，反正有兩日免費，就住佢一日，叫美團外賣唔食佢Ｄ難食飯啦～～～
當晚，要好小心咁訓，唔好掂到植髪區，訓得唔好啦當然。
第二日，覆完診𡰔ＣＡＬＬ車走番香港，我亦無打算番上去ＦＯＬＬＯＷ ＵＰ（其實係被人影相），之後果五日，好似人地做太監咁，匿係屋企。財自０既好處，時間是自己的，想點咪點～
２萬人仔鬆Ｄ，有咁０既服務，我覺得ＯＫ，如效果良好，咁我就無揀錯喇。
遲Ｄ再完成以下系列～
番大陸植髮＜術後篇＞
番大陸植髮＜三個月篇＞
番大陸植髮＜一年篇＞
![]()
暫有以下構思
番大陸植髮＜始動篇＞ 我的香港財務自由路(六)
番大陸植髮＜手術篇＞ 我的香港財務自由路(七)
番大陸植髮＜術後篇＞
番大陸植髮＜三個月篇＞
番大陸植髮＜一年篇＞
又睇下會否爛尾，哈哈～～～
***************
以下是YOUTUBE 頻道有關植髪的片，同ＢＬＯＧ中同步，各有各好～
***************
話說，我約左七月廿四日上去植髪（邊間？睇番始動篇），先坐的士去落馬洲鐵路站，再步行過關，去到福田地鐵站，直坐去上梅林站，再滴滴十幾蚊就可以到達（當然，你一出福田坐的士更快。）
十點左右去到，拎番張訂金單出黎，再去抽血檢驗。都係好老土０既驗血，咁就５００人仔。
抽完，１０：３５左右去比醫生劃頭，再去剪頭髪。
其實我唔係咁光禿禿的（仲有好大距離），範圍亦細好多，不過比佢剃成咁／
究竟駛唔駛剃頭，呢個真係大考驗。
如果全剃，就所有頭髪一齊慢慢生長，你會有個ＳＫＩＮ ＨＥＡＤ。。。或似囚犯。
如果只剃植髪同取髪部份，後尾枕剃左都無所謂，不過植髪位就好睇你係邊度，我係頭頂，結果，完成後，似個河童！（拿，我係唔會放相０既！）
所以，基本上，帶帽走唔甩，如果你仲要番工又唔想比人知，其實係無乜可能。唔好亂信ＹＯＵＴＵＢＥ果Ｄ咩今日做完聽日番工，係，你係番到工，不過又怕傷口又怕熱，仲幾樣衰ＴＩＭ！
仲諗住去台灣植髪加遊山玩水？你唔熱到出汗都偷笑。
１１：１５左右，開始入手術室，要換衫換鞋，去佢聲稱無菌０既手術室，有冇菌我唔知，肉眼睇就好企理乾淨，同我係香港做激光矯視０既級數一樣。
之後，就係最辛苦階段，要扒係度取髪，扒係度唔係問題，係扒左個幾兩粒鐘！又唔係太郁得。除此之外，一開始打麻醉藥係最痛（同剝牙道理一樣），好似比人割咁！
之後就唔痛啦，全程我都睇唔到，總之就係醫生用個小型鑽０既物體，係取髪區度鑽。佢每轉２５下會停一停，然後換區。
次序為沿邊界取一圈（ＭＡＲＧＩＮ位取左都唔覺），然後分別係左中右點陣咁取。我都係估估下，因為只有輕微感覺，同埋聽到鑽聲。
呢張係取完之後第二日影，可以見到傷口分佈
好唔好手勢？我覺得最唔好係呢一段！因為佢唔算太平均取髪，集中多左係左邊，咁會唔會影響外觀？我未知，估計唔會，因為我取髪數量少。
扒左咁耐以為完左，原來重要取髪！剛才醫生係鑽開左，仲要搵個姐姐用鉗扯佢地出黎！不過過程好快，雖偶有小小痛，不過好快過去，反而扒係度條腰好辛苦就真。
１：１５左右，佢問我駛唔駛食個飯，梗係要，因為真係好累！～～～ 其實佢個餐唔好食，我求其食左佢條蕉同少少肉就算。
期間，我老婆去左邊？間野其實有住宿服務，開左間雙人房比我老婆休息，仲話可以遙距睇到手術個ｃａｍ，不過當日係睇唔到，佢悶到訓著。
直播果個唔係我，佢輪播全國手術台。。。
食完飯，再做，今次係平倘＋半坐式做，叫做好過扒係度！
上面係食飯地方，高清版遲Ｄ放ＹＯＵＴＵＢＥ
同頭先大同小異，先打麻醉藥（今次係頭頂），又痛一輪！最大問題係，我豬左，中途要提佢補藥，否則藥效過左會好痛！
中途要提佢補藥
中途要提佢補藥
中途要提佢補藥
醫生打完藥，會用把刀仔係個頭度𠝹一ｄ幾深０既坑（所以我覺得無可能做到1平方厘米40條! 把刀都無咁勁啦），𠝹完點？個醫生就走左！我真心覺得，全程最令我抱憾，係果位醫生，好彩佢０既工作其實唔係重要（都係鑽毛囊同埋𠝹坑）。
最後階段，就換左兩個女人，黎做植髪。未做之前，佢比左張野我掩口，原來係要我數下取左幾多株頭髪，其實佢話一堆係２５株，咁細我都數唔到，咁數堆數又有咩意義？
開始植髪，最關鍵果步！做得好唔好，真係睇呢個階段，亦都係最漫長。。。佢地兩個一左一右植，速度會快Ｄ（廢話），聽聞有Ｄ診所係三人同時植。
做到最後段，麻藥無補打（我諗住好快完），痛到飛起！
加密部位有冇密Ｄ？我太太話有。
５：００左右完成，有冇２３４０株？真係唔知，重點係最後個效果，未有番三五七個月，都未知如何。
後尾枕用崩帶包住，頭頂就乜都無。出黎血哂又有血，都幾令太太不安（我睇唔到丫！），不過網上好多相可以睇。
第一晚，就訓係佢地果度，我覺得有ＣＨＥＡＰ ＣＨＥＡＰ商務連鎖級數，反正有兩日免費，就住佢一日，叫美團外賣唔食佢Ｄ難食飯啦～～～
間房就係咁，高清版遲Ｄ放ＹＯＵＴＵＢＥ
當晚，要好小心咁訓，唔好掂到植髪區，訓得唔好啦當然。
第二日，覆完診𡰔ＣＡＬＬ車走番香港，我亦無打算番上去ＦＯＬＬＯＷ ＵＰ（其實係被人影相），之後果五日，好似人地做太監咁，匿係屋企。財自０既好處，時間是自己的，想點咪點～
２萬人仔鬆Ｄ，有咁０既服務，我覺得ＯＫ，如效果良好，咁我就無揀錯喇。
遲Ｄ再完成以下系列～
番大陸植髮＜術後篇＞
番大陸植髮＜三個月篇＞
番大陸植髮＜一年篇＞
