成立獎學金 我的香港財務自由路(八)

哈哈哈，自從植髪之後，因為未做得運動，而到做得運動又唔可以戴帽，結果疏懶左好多。

其實不論ＹＯＵＴＵＢＥ定係ＢＬＯＧＳＰＯＴ，產量應為現在一倍有多。

題外話，面對有ＢＬＯＧＧＥＲ意興闌珊，實覺可惜，現在時局或許設有太多忌諱限制（我都遇到同樣問題，所以某Ｄ題目就一路唔寫），到ＲＥＳＯＬＶＥ左，大家就會鼓勵佢出番黎。

如果有日我唔寫，一定係家庭／健康出問題，從來我都唔９理人點諗，打不死的。有機會寫文恥笑下我Ｄ舊同學讚我改變左好多，其實係佢地改變左就真～

講番正題，小弟個網誌係有ＧＯＯＧＬＥ廣告０既，不過就得雞水咁多，慘過去賣旗！私吞？有咩意思？我需要咁做麼？早前有開班Ｌ唔知咩９０後加利仔話我賣廣告，佢都痴９線，你開期權班，信唔信我拍一系列期權教學頂Ｌ死你？善用ＧＯＯＧＬＥ　ＳＥＯ可以搵你個名去埋我個教學度，容乜易！？

你要搵食，我唔駛搵食，你話邊個覺得好玩一Ｄ？要上班，都唔上佢啦。。。ＯＰＴＩＯＮ　ＪＡＣＫ又得，期權先生又得，好似大把經驗老手喎！

鬧完，講番廣告收入，其實過往少到離哂譜，兩次我都係捐去保良局某校指定買圖書！

連結如下，有埋收據！

＜ADSENSE作捐款　遲來的收據！＞
＜第二次捐款 捐書保良局＞

成個２０１８年我都無捐過了，因為諗住捐番東華學校成立一個小小獎學金！一年幾千蚊貨仔，鼓勵下師弟讀書都好丫！

廢話少講，整張收據先！


拿，錢真係好少，我做小生意可以輕易獲得，但此獎學金過程，透過如此方法，我也樂在其中，出錢又出力。

對於金額太少太寒酸０既心結，我一路解唔開所以一路無行動，直到我主動搵兩位老師傾傾，佢地好鼓勵我去做。其實都係一種鼓勵！校長都話，多少唔重要都係一份心意！

另外，八月份我嘗試搵其他舊同學（都係唔同班的，對我印象應較好），睇下有冇人好似我咁傻痴痴去捐錢，不過加入我個ＰＯＯＬ就免了，自己打電話搵校長，免得人地以為我從中抽水。。。

其實我上面呢個金額，以經多過贊助人每年獎學金幾倍，畢竟已是三十多年校史，當年幾百，現在唔係咩錢了。

昨日得知，學校的ＭＥＮＴＯＲＳＨＩＰ　ＳＣＨＥＭＥ都幾頹，搵埋Ｄ文員仔番去講，小弟有幸有另外兩位同學三十幾就財自左，其實回校分享也可以（不過，慢慢來吧）。


副校問我：個獎學金叫咩名？

我：舊生理科獎學金

佢：唔落你名？

我：唔落啦

頒獎時，有個中四同我細聲講：估唔到有錢！平時得張紙！

我心諗：我以前咪得張紙ＬＡＷ！

番到屋企，真係勁開心，是否任務已完成？非也！繼續玩落去才是有趣之處～！

講多一次，此ＢＬＯＧ目的，為表達我自己對人生價值觀，投資只是配菜（我唔叻），大家能比面到訪，小弟榮幸之至！同時大家的支持，亦是我繼續寫唔停的原動力！

我９ＵＰ引有人寫ＢＬＯＧ，已算是對ＢＬＯＧ界最大貢獻吧！話唔埋有人睇到我點整模型抽風箱／矯視／植髪／修理ＰＳ４幫到佢呢！

同樣，敵意０既留言我會一一刪除唔駛比面，最緊要係我開心，我開心就會寫得更好。

要攻擊我０既，我怕你玩到Ｊ毛都變白，我都未灰心喎！要知道，我由細到大都比人曲解，呢Ｄ攻擊真心濕濕碎。

我獨來獨往唔９理其他人點睇，我無老細，唔駛睇人面色，亦唔駛比面任何人。ＢＬＯＣＫ人需要理由嗎？我只能答哈哈哈！！

覺得我爽快既，肯定成為朋友，背後指指點點０既，我贈你一句：不如你顧掂自己先。

近來跌市，有冇驚驚？梗係有啦，睇住個槓桿比不停升，雖有排未爆，但個人唔好受。反正有息收，理得佢丫。

即使ＴＯＴＡＬ　ＬＯＳＴ，大不了由頭黎過全家慳Ｄ駛，本來無一物。

再者，我估一兩千萬，都食到十年八載吧？