開學九月終於過去，相信我同女主人都過得唔容易。
因為我堅持帶升小一女兒番放學，結果作息時間大混亂。要習慣仲要一段時間，話哂十年八年習慣唔係一個月可以改變。
辛苦左？其實唔係，咪又係咁過，以不變應萬變。同時試下減少飲少Ｄ高糖飲料（你話我迷信又好乜都好，高糖飲料對我工作有點作用），改左飲茶，同時要工作時食番Ｄ野，否則又係會唔夠電。
無計，個人弱雞。
不過小學家長同幼稚園家長一樣，都有小學雞同自私精。莫名其妙地，老婆入唔到家姐個班０既ＷＨＡＴＳＡＰＰ ＧＲＯＵＰ，結果可能少左Ｄ資訊。算吧。。。
反正入到小學，都變成鬥成績遊戲。自理與否，三歲定八十。
講到鬥成績，女主人開始發癲，玩做練習！我意見係，中文的確有難度，要練。其他科就由佢先，考試先算吧。
既然個女都話易，唔好同佢溫。
再者，從來成績好０既人都有自己讀書０既方法，一齊溫書個Ｄ嘍囉，通常成績都唔入流。
何必用自己０既方法去改一張白紙呢？只要遠遠望住佢就可以了。
講真，兩姐弟都係學得快０既人，細佬直頭超卓。只要係記憶力方面好好比佢地自己適應下，唔好攪咁多古怪野，其實未來成績唔會太差。
學校攪０既溫習班，我千萬個不願去。適量做下中文便可以，睇過本中文書同平時Ｄ工作紙，作句同埋閱讀的確有點難。
兩個小朋友０既能力都唔低，千祈唔好傷仲永。再者，你寧願佢將來有個可愛的人，定想佢搵到錢財自但孤獨一人（我有中同ＢＩＧ４高層樣衰女人，好可憐。）
另外，呢期ＰＳ４ 遊戲打捉鬼敢鬼隊，真係可以四打喇！雖然細佬戰士唔掂，家姐射極都唔準，不過個遊戲較易打又唔易ＧＡＭＥ ＯＶＥＲ，百幾蚊算係咁。有機會拍番條片由個女作旁述先！
以為改左作息時間會影響工作，結果竟然估唔到係咁好，個人相對電力充足好多。過埋呢三個月，再休息多一日。預計收入少左五萬左右。
女主人工作應該比較淡靜，而佢亦都為左個女對功課而早左一個鐘收工。另外，過幾日女主人鋪頭就會上電視了，相比以前０既採訪，今次其實無乜期待感覺。或者女主人唔出鏡，同時訪問內容同鋪頭好似唔太相符吧。
講投資
呢個月變動比較大，首先ＧＬＤ高位又回落，結果我又係要轉倉。去到１１月中，ＳＰ１２２／ＳＣ１２８，約為８８２美金，即大約１％＂股息＂。
另，我非常豬咁賣左ＴＯＹ，因為佢上番我買入價，我以為會有ＡＣＣＲＵＥＤ ＩＮＴＥＲＥＳＴ，原來係ＴＲＡＤＩＮＧ ＦＬＡＴ ＢＯＮＤ係無０既。結果我蝕左一個月半息。勉強阿Ｑ叫做平手走（但蝕借貸利息），買入ＸＲＭ９。５。
同時，ＳＰＮ ＣＯＲＰ被ＣＡＬＬ，賺息賺價之下，換左貨ＳＶＵ７。７５。
早前手痕買入ＷＩＮ７。５，依然係跌。我呢Ｄ零分析亂九買跟大隊０既人，太過ＢＥＬＯＷ ＰＡＲ 真係買唔過。雖然早兩日升番上７４，依然係蝕０既。
女主人個兩桶油，一升（中海油）一跌（中石化）。佢本來諗住一齊沽左佢當賺少少，比我阻止左。既然又未知買乜好，銀碼又唔大，不如讓子彈飛一下。出文今日，一桶唔郁一桶再升。如果計埋之前股息，其實另一隻唔係蝕０既。
我比女主人既策略係，小注執死雞，尤其唔少有料ＢＬＯＧＧＥＲ都有推介下，唔係叫佢跟，只要尾行呢Ｄ推介，合適時小注買入便可以。
九月份女主人扭計話唔做，叫我比個目標佢。我都好有心機地Ｊ哂風兄所有投資相關文章，同佢計過下，有得必有失，由奢入儉難。每月得萬幾蚊其實唔係好好駛！
同時幸得風兄一眾ＢＬＯＧ友提醒，追通漲個部份我計錯左數，實際上唔駛咁多。
結果，女主人有目標可追之下，係公司提左１５萬出黎自己戶口充數。。。哈～
講資產
女主人九月底止，有４１４萬（上月３９３萬），女主人目標為６５０萬。
男主人買買賣賣，唔Ｘ識計，唯有用淨資產減去港股淨值（因餘款來自債息股息及其市值，再加自己現金儲蓄），咁樣港股部份升跌我都唔理佢。
男主人九月底止為２０８萬（七月為１５２萬，計法不同，比較黎無謂）。男主人目標為淨資產２０００萬，或時間過去６３５日之後。