我家小孩暴走 PS4捉鬼敢死隊拍片

大女連續三年操行獎得主，原因佢上堂唔講野同埋偶爾篤人背脊（無語。。。）

個仔就好唔同，非常反斗又鐘意駁咀，以為佢番學一定出事，點知又唔係喎。

上年九月，初上學幾天已經駁咀。係課室扮恐龍叫。當然比老師鬧，佢又藉口話課室有條恐龍公仔，老師話果隻野好安靜，個仔又駁咀話我驚你唔知恐龍點叫扮比你聽。

係樓下個公園，近期多左外國人搬入（印巴有一，東歐有一二，其他唔知），咁有一白人鬼佬生左五個，其中有一個細仔同我個仔相若。兩歲個陣，佢地試過用ＢＢ話炒一獲，先口角繼而動武追打個隻！結果係鬼仔怕死走人。。。（真係打應該唔夠人打啦）

自從家姐番左上小學之後，細佬自己一個坐校巴番學。開始比人投訴係車度叫嚷。

不過，又因為少左家姐呢個ＲＯＬＥ　ＭＯＤＥＬ，細佬而家番到屋企會自己做功課！以學習黎計，細佬其實叻過家姐，除左無家姐同年個陣咁牙尖咀利。

期待可以一路進步落去，唔好再活係家姐榜樣之下。。。

早兩日，因老人家壓力，帶左個仔去睇政府急症。

一如所料，個問題又唔係影響生命，但可能影響外觀。

醫院建議照個全身ＭＲＩ，叫我地排住再加出去搵。當然出去搵啦。

各位放心，唔係咩大事，只係少見。

講開又講，入院個日就係正正中秋節，急症室個仔直入，唔駛等。



去到病房，因個仔唔係發燒ＣＡＳＥ，住係非發燒區，基本上係無乜人好靜。。。好明顯正過私家醫院普通病房！而又因個問題少見，一共六個醫生一齊睇（估計有一兩個實習），有經驗個Ｄ就教後生個Ｄ，後生個Ｄ教老個Ｄ點用網上影相系統。

我成日都係咁認為，除非知道咩事，否則去政府係好過私家。至少醫生經驗多Ｄ，同埋醫生多Ｄ。私家一入去就左ＣＨＥＣＫ右ＣＨＥＣＫ，ＣＨＥＣＫ完都可以唔知咩事０既。。。

之後細佬即晚出院，因為之後個日化驗部都無人開工，不如出院回家。



明天星期五又入過去。