每月持倉更新 [19年12月號]

受腰痛困擾，上月運動量大減，不過操肌依舊，反正日日得閒，慢慢來也可以。

上月臨尾又跌，期權金袋袋平安，十一月結算日再開十二月新倉，如下：


連張數都ＳＨＯＷ埋出黎，可以計到其實權金極少！

加埋都唔知有冇三千蚊....哈哈。

其他債／ＥＴＤ／優先股唯持不變，可參考１１月號網誌。

講下工作，不過我無，唯有講太太。

佢終於鼓起勇氣同佢個員工講做埋十二月就唔請佢了。原因唔係表現，係生意淡簿，再加上三月完鋪租約後，我太太將會同我一齊日日係屋企食老本過活。。。

佢唔認佢退休，話轉營做網店，又睇下佢做唔做到？！

其實呢，我都黎緊有工作。。。竟然我又有得去做代課老師！（有得聽人叫ＧＯＯＤ　ＭＯＲＮＩＮＧ　ＳＩＲ喇！！），而家代課都幾好ＰＡＹ，成＄１４７７—１５９４／日，視乎佢用咩ＲＡＮＫ請你啦！

之前停課無左，以為無得去玩，點知又有番。真係人生無常。

財自剛５個月，悶唔悶？好舒暢，每日諗下做乜好，無乜壓力。

講好０既湊仔，其實無乜做過。。。哈哈！

剛剛係ＮＥＷＥＧＧ買左電腦，淘寶買左機箱，香港買左火牛。



如無意外，星期四送到，到時有新電腦用了！

上月，ＹＯＵＴＵＢＥ停左一星期，呢排又開始玩番，不過為健康著想，唔會日日上片。

大家０岩聽又支持下丫！