免費 WHATSAPP GROUP　廣告費應用

小朋友終於放完暑假！時間突然好用好多，可以打下ｂｌｏｇ。


係八月最尾個日，終於去左朝聖！時代廣場沙煞比(非１比１)！其實今年同幾年前個次，好明顯ｈｅａ左好多，上次都有唔少影相位，今次？得呢度ｌａｗ。。。

模型就無乜心水，網上群組大部份人買彩色透明版沙煞比（左邊紅色果隻），小弟砌過覺得麻麻（太複雜，上色更加煩），見電鍍＋透明版００　ｄｉｖｅｒ反而有興趣。不過睇死佢貨量大又無人會買（呢個系列老人家唔睇，小朋友唔會買特別版），再加上我又砌唔切，不如放住係佢度，遲ｄ模型鋪有平貨番先去買。

面對仲有八個月就永遠失業，決定逐步改變此ＢＬＯＧ，以及要為餘下工作埋尾及公司物資變賣／儲存。

想重溫馬沙之反擊？可以睇以下官方ＹＯＵＴＵＢＥ完整繁中版！



呢個名係一眾ＢＬＯＧＧＥＲ都未用數字稱呼自己之前已用，後尾發現實在極奇論盡！我要真筆名！其實我心中都諗好左，等女主人批核就可以了。



不知不覺，ｇｏｏｇｌｅ　ａｄｓｅｎｓｅ　已累積左三千蚊，因事忙同想捐去第二度而未捐出。預計九月份應該會捐出啦！有一刻諗過，利用ＡＤＳＥＮＳＥ0既黎賣番點擊廣告，煮豆燃頭箕，會否令捐款速度加快。各位比下意見丫！


最後，呢期多人講有ＢＬＯＧＧＥＲ／財演開班，我咁０岩又去多左圖書館，成日睇ＩＭＯＮＥＹ／經濟一周呢類書，原來除左上堂之外，仲有筆記，又有機會贈書。不過我估最吸引０既係，師生ＷＨＡＴＳＡＰＰ群組！我估呢個就似Ｄ人去讀ＭＢＡ廣交朋友一樣，最吸引你上堂之處了！

呢個勁呀，等我都開番個群組，吹水也好生仔也好，我唔收錢啦，不如要一張指定團體捐款收據？

最後，恭喜另一ＢＬＯＧＧＥＲ十仔踏入財自之路！

最後，近日又再夢見家母，一連串夢境，一連串可能性。不知是否自我安慰定係點，每發完一個故事，又釋一點懷。

近日買回Ｎ年前原價２蚊０既黃金戰士，當年係我阿媽係地攤買比我０既。而家搵番，好開心，簡直係今年最正０既玩具！



最後講下投資，就係乜都無做。見呢排網誌流量少左，同一眾ＢＬＯＧＧＥＲ流量有關，　股市低迷，自然無乜人有心機去睇，去寫０既都少左。打趣講句，呢個浪，又會令多少ＢＬＯＧＧＥＲ　消失呢？