此網誌男主人終於都整番個名比自己。
![]()
最自海綿寶寶卡通一角，皮老闆PLANKTON。見過面０既ＢＬＯＧＧＥＲ問，以後點叫我？乜都係一句啦。。。不過，過多幾個月就唔係老闆喇。係一條木板（ＰＬＡＮＫ）！
用此角色，多重意義。
最主要係佢個角色夠廢！同我生意一樣，唔講出黎就無限幻想，一講就係廢野一碟。行內參差不齊，由每月搵幾千至每月搵幾球０既我估都有！只係我地信唔信有呢個可能。如果要出書講創業路，相信只會有同行，又或者對家做烚旦個Ｄ人會想睇。
仲有，皮老闆個樣都幾得意！
我一講，兩個小朋友就知係皮老闆！（個人認為ＳＡＮＤＹ更過癮，可惜佢係女角！）
其他特徵，例如鐘意抄人秘方，就同我０既投資一樣，抄Ｄ又唔抄Ｄ，成日奶野。
唔講你唔知（無乜人睇），皮老闆有部電腦老婆叫做ＫＡＲＥＮ，佢發老婆脾氣，呢個同我都一樣喎！不過佢試過熄佢老婆電掣，我就唔會啦，你估我係大學教授咩！？
本身無乜技能等等，亦都好正！
另外，佢對蟹老闆呢條貪錢怪不屑亦是一絕！同樣地，我都好唔鐘意Ｄ人計得咁盡，人生有更多值得花心機０既地方，例如打機！哈哈。。。
最後，劇中生意仲係要蝕錢，佢整０既漢堡有腐蝕性結果無人幫襯！呢樣我就同佢唔同，蝕本生意邊有人做丫。
再講，對於中學讀ＢＩＯ出身０既我，第一次睇英文版已經覺得呢隻野好怪，原來叫ＰＬＡＮＫＴＯＮ！浮游生物都畫到咁大！其實呢堆微細到要顯微鏡先睇到０既生物，養活唔少食物鏈上游０既生物架。
先生，請問點稱呼你呢？我叫７０Ｓ。。。唔係，不如你叫我ＰＬＡＮＫＴＯＮ啦！哈哈哈！