開學大吉　我可以唔撈嗎３2

剛剛經過九月一日開學日，番學放學都係我接，一點也不忙亂。

忙亂０既應該係女主人，一堆通告要簽，一堆野要準備，生怕執漏。

可惜人算不如天算，也許班主任都忙亂，指引令人＂唔知佢想點＂！

本來仲考慮比幾錢個女番學，點知原來小一生係唔準去小食部買野食０既，結果家姐都幾失望。不過因禍得福，正因要自己帶野食，結果佢日日有海量零食係小息食。


開學還開學，女主人呢期都幾黑仔，工作煩惱特別多。

老實講，同佢計一下數，其實我同佢可以各自退休唔做。

以佢約四球身家，五厘息一年，都有１６Ｋ一個月，夠駛有突。如果進取Ｄ，做少量槓桿要２０Ｋ左右應該都ＯＫ。咁以後佢駛剩０既錢，就自己用黎去槓桿。

男主人如放棄追通漲，每月８０Ｋ家庭開支應該不難。家用屋租自用，七除八扣後仲有一萬以上剩低。五厘息計要１９２０萬，當然，有槓桿就唔駛咁多錢，而家都做到。

再唔係，駛少Ｄ就攪掂。大把家庭搵兩三萬一樣生活到。

講工作

早兩日，接到ＴＶＢ專訪！！！不過唔係我，係女主人！上次已經係兩年前創富坊了。

佢今次都係堅持唔上鏡，因為以前上ＡＴＶ（歷史遺物了）個陣大住個肚，影到佢成個包咁。影得最靚係某次ＲＯＡＤ　ＳＨＯＷ訪問（哈，又一歷史遺物！）。

拍攝日期未定，睇下個日我得閒否去睇下明星仔先～

至於男主人，預計黎緊四個月都搵得ＯＫ，２０１８年減工作量會少左約５０Ｋ月收入。

講投資

女主人依然持有中石化，中海油。優先股不變，唯其中ＲＢＳ會九月份被贖會，損失有男主人補貼。哈哈。。。

男主人九月份ＳＰＮ　６.３７５　會被贖回（買入時ＢＥＬＯＷ　ＰＡＲ，贖回有賺的），到時再揀過隻。其他一切不變。

講資產

女主人八月底止，約有３９３萬（上月３８０萬），多左１３萬好似係係公司戶口拎左兩萬出黎，同埋未找新卡卡數。

男主人已經唔識去計。。。因為沽左ＣＵＦ.ＵＮ，又買左隻債。不過建行升左一輪，離目標大約４５４萬！拿，唔到目標，都可能會退休架，目標只係一個參考。又睇下下個月離幾遠，一到目標，就沽清建行。